{ عائشة فهّميني ..!} مسلسل جديد

[امة الرحمن/فاطمة]

رد: { عائشة فهّميني ..!} مسلسل جديد

يا رب تكوني مقتنعة كده و حاباه ..

ذكرتيني نفس الكلمة من أمي عندما كنت في عمرها بس كنت عايزة ألبس النقاب

قصة جميلة متابعة معكِ بإذن الله

بارك الله فيكِ

وجزاكِ الله خيرا

[راجعة لك يارب]

رد: { عائشة فهّميني ..!} مسلسل جديد

هم الابطال ماتو ولا ايييييييييييييييييييييييييييه ؟؟؟؟؟؟؟؟؟؟؟؟؟؟؟؟؟؟؟

[أمة الله 91]

رد: { عائشة فهّميني ..!} مسلسل جديد

رحتي فين يا وردة ؟؟؟؟
نسأل الله أن يردك سالمة
منتظرين

[وردة العلم]

رد: { عائشة فهّميني ..!} مسلسل جديد

بسم الله الرحمن الرحيم

كنت وعدت بمفاجأة في الحلقة اللي فاتت ..

الحلقة ديه حلقة مميزة جداً ..

و هنعرف ليه إن شاء الله ^_* ..

وقفنا في الحلقة اللي فاتت أمامـ مشهد رقية و هي في حالة صعبة ،


كانت منهارة و بتعيط عياط شديد ..

البنات اجتمعن حول رقية ..

- فيــه إيه يا رقية .. طمينا .. أرجوكِ !

سارة بتدعو بإيمان و يقين في ربها : اللهم فرجـ كربها و أزِل همها ، و اشرحـ صدرها يا رب العالمين ..

آآميــــن .....

رقية وجدتـ نفســها في حالة مختلفة تماماً .. و بدأت تتكلمـ ..

- يا جماعة .. الحمد لله على كل حال ..

قولوا .. البقاء لله ..

البقاء لله ..

و انهارت رقية من جديد .. ما كانتش قادرة تتكلمـ ..

صديقتنا أمـ .. نيــ ..ـة .. اللي كانتـ لـ .. سة مــ ..ـعانا امبارح ..

تُوفيــت ..

إنا لله .. و إنا إليــه راجعون ..

البناتـ مش تمالكوا أنفسهمـ ..

كان موقفـ بجد صعب جداً ..

أميرة عيطت بحرقة .. و آية انهارت ..

و كذلك جميع البنات ..

سارة اتأثرتـ جداً .. بدأت تدعو دعاء طويــل و جميل ..

و بدأت تقول لهمـ : اصبروا و احتسبوا يا جماعة ..

أمنيــة صديقتنا حبيبتنا فعلاً .. لكن البكاء على اللي حصل بجد مش هيفيد ..

إحنا لازمـ نعبر عن حبنا دهـ بالدعاء ليها ، و زيارة أهلها و مواساتهمـ ..

عن أسامة بن زيد بن حارثة – رضي الله عنهما و أرضاهما – قال : أرسلت بنت النبي – صلى الله عليه و سلمـ - :


( إن ابني قد احتضر ) ..


فأرسل يُقريء السلامـ و يقول : { إن لله ما أخذ و له ما أعطى و كل شيء عنده بأجلٍ مُسمى ،

فلتصبر و لتحتسب } .. فأرسلتـ إليه تُقسمـ عليه لَيأتينها .. فقامـ - صلى الله عليه و سلمـ -


و معه سعد بن عبادة و معاذ بن جبل و أُبي بن كعب و زيد بن ثابت و رجال رضي الله عنهمـ ..

فرُفع إلى رسول الله – صلى الله عليه و سلمـ - الصبيُّ و نفسه تقعقع ( أي تتحرك و تضطرب )


ففاضت عيناه – صلى الله عليه و سلم – فقال سعد : ( يا رسول الله .. ما هذا ؟؟ ) فقال – صلى الله عليه و سلم - : { هذه رحمة جعلها الله تعالى في قلوب عباده } .. متفق عليهـ ..

شايفينـ إيمانـ حبيبنا و نبينا محمد – صلى الله عليه وسلم - ؟؟ الولد كان حفيده و حبيب إليه ..


و أكيد الخبر كان شديد الوقعـ عليه – صلى الله عليه و سلم ، ولكنه علمنا الصبر والرحمة في أصعب الحالات ..

كان لخبر وفاة أمنية وقع غريب على عائشة ..

يا ربي ديه كانت لسة معانا امبارح .. بنضحك ونتكلم .. سبحان الله ..

(اللَّهُ يَتَوَفَّى الْأَنْفُسَ حِينَ مَوْتِهَا وَالَّتِي لَمْ تَمُتْ فِي مَنَامِهَا فَيُمْسِكُ الَّتِي قَضَى عَلَيْهَا الْمَوْتَ وَيُرْسِلُ الْأُخْرَى إِلَى أَجَلٍ مُسَمًّى إِنَّ فِي ذَلِكَ لَآَيَاتٍ لِقَوْمٍ يَتَفَكَّرُونَ)[الزمر/42]

يعني هي أمنية تُوفيت في منامها ؟ وضعت جنبها على السرير ثم قبضت روحها ؟ يا إلهي !

أد إيه الموت قريب مننا !

ياما مرت علينا ليالي ما افتكرناش فيها الموت ؟!


يا ترى كان هيحصل إيه لو قُبضت أرواحنا واحنا نايمين ؟

كان إيه أصبح مصيرنا ؟

عشان كده حبيبنا وقدوتنا ( صلى الله عليه وسلم ) علِّمنا أذكار النوم ،

اللي فيها دعاء بالمغفرة وفك الرهان وتثقيل الميزان ..

عَنْ أَبِي الأَزْهَرِ الأَنْمَارِيِّ ، أَنّ رَسُولَ اللَّهِ عَلَيْهِ السَّلامُ كَانَ إذَا أَخَذَ مَضْجَعَهُ مِنَ اللَّيْلِ , قَالَ :


" بِسْمِ اللَّهِ وَضَعْتُ جَنْبِي اللَّهُمَّ اغْفِرْ ذَنْبِي وَأَخْسِئْ ( اطرد ) شَيْطَانِي وَفُكَّ رِهَانِي وَثَقِّلْ مِيزَانِي وَاجْعَلْنِي فِي النَّدِيِّ الأَعْلَى ( مع الملائكة لا مع الشياطين ) " .

فاللهم لا تقبضنا إليـــك إلا وأنت راضٍ عنا ، وأحسن خواتيمنا ،


وارزقنا قبل الموت توبة نصوحا ترضى بها عنا ..

وكما قال رسول الله صلى الله عليه وسلم { كفى بالموت واعظاً } ..

الخبر ده أضفى لمسة تغيير على حياة عائشة ..


أصبحت أكثر خشوعاً في الصلاة ، أكثر براً لأمهـــا و أبيها .. أكثر قراءةً للقرآن ..

بتقرأ وتستمع لآيات سورة ق كنير ..


لدرجة إنها قررت إن كل حيـــاتها لازم تتغير للأفضل ، من العبادة القلبية لحد المظهر الخارجي، وبالتالي قررت إنها ..

إنها ..

إنها ترتدي النقاب ......

وبدأت الأفكار تدور برأس عائشة .. والشيطان يقول لها :


-----------------------

( نقاب يا عائشة نقاب :( ؟ وتبقي عاملة كده زي الخيمة السودا ؟ وترمي لبسك الجميــل ؟ ما انتِ كويسة أهو وزي الفل .. طب قارني نفسك كده بباقي البنات .. هما لابسين شيك وانتِ قال إيه .. نقاب ! إنتِ كده كويسة .. وربنا غفور رحيــم )


-------------------

وفعلاً عائشة مع الأيـــام .. بدأ خبر الموت يبقى تأثيره عليها أقل ، وبدأت تفتر من ناحية النقاب .. لكن في يوم من الأيام .. راحت دار القرآن اللي هي بتحفظ فيها ، وفيها محفظتها الرااائعة اللي بتحبها جداً ، ومعاها صديقتها وأختها في الله ، واللي هما الاتنين منتقبات.. لقت المحفظة بتقول لها :

أما آن يا عائشة .. إنك تلبسي النقاب J ؟

[]

- والله .. حضرتك ، أنا بجد نِفسي ألبسه ..


لكن لسة ما أخدتش القرار ..وماما – للأسف – مش موافقة ، وبتقول لي لسة شوية كمان .. تصوري لما أكلمها فيه تتضايق وتقول لي قومي من جبني يلا !

- - يا الله ! معلش يا عائشة ، للأسف كتير من أمهاتنا الفضليات كده ..
ربنا يصحح أفهامنا وينوّر بصائرنا ..

- -آمين آمين ..


- روّحت عائشة البيت وطول الطريق وهي عمالـــة تفكر في النقاب .. وفجأة وجدت شعور روحاني كده فير قلبها بيقول : هو النقاب ده مش من الدين يا عائشة ؟

يعني ربنا بيحبه ويرضاه ليكِ ؟ يعني هو بلا شك .. أفضل لبس شرعي تلبسيه ، أفضل لبس يرضي ربنا ..

وهو واجب يا عائشة في زمن الفتنة بإجمــاع العلماء ..

صحيح ؟
- آه صحيح ..


- يبقى مستنية إيه ؟


وأحست عائشة

إن روح ونشاط الالتزام دب فيها من جــديد ، وكان هاين عليها إنها تعدي على أقرب محل زي إسلامي عشان تشتري منه


نقاب وإسدال وقفازين وجوارب ..

لكن ..... ماما ، يا ترى هتوافق ؟ .. ووالدي يا ترى هيقول لي إيه ؟
يا رب اصرف عني كل عائق يحول دون تحقيق طاعتك .. يـــــا رب ..

يا ترى هل عائشة هترتدي النقاب ؟

ولا هتغلبها وساوس الشيطان ورفض والدتها ؟


يا ترى إيه اللي هيحصل ؟

انتظرنَ الإجابـــة في الحلقة القادمة .. بإذن العلى القدير – تبارك و تعالى - ^_^ ..

في حفظ الله ..

[وردة العلم]

رد: { عائشة فهّميني ..!} مسلسل جديد

أنا متأسفة جداً جداً على التأخير الطويل ده .. سامحنني أخواتي ..
وبإذن الله هنزل حلقات أكتر ..

[وردة العلم]

رد: { عائشة فهّميني ..!} مسلسل جديد

جزاكم الله خيرا
وثبتكم وايانا وجميع المسلمين
اللهم اهدنا الصراط المستقيم

آمين آمين ..

وجزاكِ مثله أختي الفاضلة :) ..

[وردة العلم]

رد: { عائشة فهّميني ..!} مسلسل جديد

فين يا جماعة الحلقاااااااااااااااااااااااااات

اختى الغالية اين باقى الحلقات

ننتظرها بشوق

لا تتأخرى علينا

هم الابطال ماتو ولا ايييييييييييييييييييييييييييه ؟؟؟؟؟؟؟؟؟؟؟؟؟؟؟؟؟؟؟

متأسفة جداً والله .. في الحقيقة كانت غلطتي إني تكاسلت لفترة بعدين انشغلت تماماً بالدراسة ...

[وردة العلم]

رد: { عائشة فهّميني ..!} مسلسل جديد

ذكرتيني نفس الكلمة من أمي عندما كنت في عمرها بس كنت عايزة ألبس النقاب

قصة جميلة متابعة معكِ بإذن الله

بارك الله فيكِ

وجزاكِ الله خيرا

وفيكِ بارك وجزاكِ الله خيراً كثيراً :) ..

ووفقكِ الله لطاعته وجعلكِ من المرضيين ..

[وردة العلم]

رد: { عائشة فهّميني ..!} مسلسل جديد

رحتي فين يا وردة ؟؟؟؟
نسأل الله أن يردك سالمة
منتظرين

معذرة والله .. أنا بترك الإنترنت في أيامـ المدرسة معظم الوقت ..

جزاكِ الله خيراً أختي الفاضلة ..